Меню
16+

Сетевое издание «Голос Самура»

11.09.2020 09:31 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЧИ ТАРИХДИН БЕГЬЕРЛУ I0 ЙИС

Са шакни алач хьи, экономикадин жигьетдай йисалай-йисуз жезвай агалкьунри райондин агьалийрин уьмуьрдин дережа хкаждай шартIар яратмишзава. ИкI тирди абурун яшайишда акваз-акваз жезвай дегишвилери ачухдиз къалурзава. Эгер 2018-19-йисар къачуртIа, Мегьарамдхуьруьн, Уружбадин, Хъартас-къазмайрин ва маса хуьрерин кьилин куьчеяр аваданламишунин кIвалахар тухвана, гзаф чкайра къир цана.

Республикадин амай шегьеррани районра хьиз, чи райондани хуьрерин рекьер асфальтламишунин, инсанриз къекъведай тротуарар туькIуьрунин, аваданламишунин кIвалахар давам жезва. ИкI, районда санлай 7 хуьруьн куьчейра къир цазва. Алай вахтунда районда 4 километрдихъ агакьна мензилдиз, I0 объектдал рекьер асфальтламишунин кIвалах давамарзава.

Винидихъ ихтилат физвай аваданламишунин кIвалахар кьиле тухудайла, райондин руководстводи сифте нубатда стратегиядин жигьетдай еке метлеб авай объектар фикирда кьуна. Ибур Азербайджандихъ галаз сергьятдал алай Тагьирхуьруьн къазмайрин ва Филерин муниципалитетар я.

«Чи Дагъустан- чи къулай рекьер» эвелимжи проектдин бинедаллаз чи районда хуьрер аваданламишунин кIвалахар башламишна са акьван вахт туштIани, дегишвилер аквадайбур я. Хъартаскъазмайрин, Магьарамдхуьруьн, Гилийрин, Ярагъкъазмайрин, Гъепцегьрин, Ярукьваларин ва маса хуьрерин са бязи куьчейра къир цана куьтягьна, муниципалитетрив ишлемишиз вахканва. Са бязи чкайра асфальтламишунин ва тротуарар туькIуьрунин кIвалахар давам жезва. Ремонтар кьиле физвай объектрал кIвалахар кьиле физвай гьал, абурун ери ахтармишун «Магьарамдхуьруьн район» МР-дин кьил Фарид Загьидинович Агьмедован гьар йикъан гуьзчивилик гала.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3