Меню
16+

Сетевое издание «Голос Самура»

07.09.2020 10:43 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЧИ ТАРИХДИН БЕГЬЕРЛУ 10 ЙИС!

ЛУГЬУДА, вахтуни са затIни гуьзлемишдач. Йисар къвез алатзава. Акъатзавай гьар са йиса вичин тарихда дерин гел тазва. Чахъни, чи райондихъни вичин тарих ава.

Адет хьанвайвал, са вахт алатайла, чун чи тарихдихъ элкъвен хъийизва, ам гъилелай тупIалай ийизва. Чаз ада алатай йисара райондин тарихда вуч дегишвилер, цIийивилер хьанайтIа веревирд ийидай мумкинвал гузва. Чун яргъариз эвичIдач. Чна райондин эхиримжи цIуд йисан тарих рикIел хкида.

И жигьетдай, са шакни алачиз, чи райондин тарихдикай рахун кутугнава. Вучиз лагьайтIа чи райондин экономикада ва гьадахъ галаз сад хьиз хуьрерин яшайишдин уьмуьрдани жезвай дегишвилер ва агалкьунар вилиз аквадайбур ва пакадин йикъак мадни чIехи умудар кутадайбур хьана.

И къулайвилер чаз «Магьарамдхуьруьн район» МР-дин кьиле Фарид Загьидинович Агьмедов хьтин рикI жегьилвилин къуватрив, къени ниятрив ва район вилик тухунин къастарив ацIанвай кас хьунухь я. 20I0-йисуз райондин кьиле акъвазай йикъалай яргъал тевгьена цIийи багълар ва ципицIлухар кутунив эгечIун ада вичин кIвалахдин кьилин везифа яз гьисабнай. Муькуь патахъай, райондин администрациядин чалишмишвилер акваз, хуьруьн майишатдин чилер чпин хусусиятдиз элкъвезваз акур лежбер инсанрикни инанмишвал ахкатна, абуру хизанрин гьал-агьвал къениндалай пака хъсанарун чеб икьван чIавалди рикI гвачиз эгечIай чилелай аслу тирди аннамишна.

ГьакI хьайивилияй, майишатар чкIиз эгечIайдалай инихъ багълар ва ципицIлухар къадирсузвилелди терг хьунал гъайи Мегьарамдхуьруьн районда къе бегьер гузвай багъларинни ципицIлухрин майданри саки 5 агъзурдалай виниз гектар кьазва. 1400 гектардилай артух чилера жегьил багълар ва ципицIлухар бегьердал къвезва.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3