ЧИ ТАРИХДИН БЕГЬЕРЛУ I0 ЙИС

«Магьарамдхуьруьн район» МР-дин мулкунал гъиле кьунвай проектрикай рахадайла, къенин юкъуз районда хуьруьн майишатдиз инвестицияр желб авун патал серенжемар кьабулнава. Санлай I0 майдандал инвеспоректар уьмуьрдиз кечирмишунин квалахар давам жезва.

Инвестицияр кардик кутунин жигьетдай Мегьарамдхуьруьн район неинки Кьиблепатан Дагъустанда, гьакI республикадин районрин арадани кIвенкIвечи жергейра ава. Эхиримжи цуд йисуз районда гзаф кьадар чIехи инвестпроектар кьилиз акъуднава ва и квалах давам жезва. Абуру чпин продукциядалди райондин экономика цIийи дережайриз хкажзава.

Уружбадал эцигна 2016-йисалай кардик квай къушарин як гьасилдай комплексдиз 1 миллиардни 400 миллион манатдилай артух инвестицияр желбна. Карханада 200 касдиз кьван кIвалахдай чкаяр хьана. Йисан къене и «Гюней» тIвар алай агропромышленный комплексди 5 агъзур тонндилай виниз як гьасилзава.

Магьарамдхуьруьн райондин экономикадихъ неинки къенепатан гьакIни къецепатан уьлквейрин инвесторрин фикир желбдай мумкинвал хьанва. И карда «Магьарамдхуьруьн район» МР-дин кьил Фарид Загьидинович Агьмедован чалишмишвилер, ада тухузвай гьар йикъан квалах къейд тавуна жедач.